ازاى تبقى صياد عروض أو ازاى تجيب أقل سعر للمنتج
طبعًا عملية البيع والشراء من العمليات الأساسية في حياتنا، والتسوق في جميع المجالات أصبح من الأشياء الضرورية سواء للي بيشتري وللي بيبيع.
وعملية البيع والشراء في أي منتج في السوق بتتأثر بعوامل عدة، كتير من الناس مبياخدوش بالهم من الحكاية دي.
ومتتفاجئش لما تلاقي منتجات أسعارها بتعلى في أوقات مع ان نفس المنتجات دي بتلاقي أسعارها في المتناول وأرخص بكتير في أوقات تانية.
يعني مثلاً في الأعياد والمناسبات، كل حاجة بتغلى، لما يحصل حراك اقتصادي في السوق، لما مثلاً تلاقي محل واحد بس في منطقتك هو اللى بيبيع المنتج اللى انت عايزه، كل دي من ضمن العوامل اللى بتدي فرصة للبايع أنه يزود سعر المنتج ومن وجهه نظره بيحقق أعلى مكسب، لأنه تاجر وبيبص للمكسب وأنت كمستهلك بتبص للسلعة.
وفي مجال الهواتف الذكية بعد انتشارها والتطور الكبير اللى حصل، بنلاقي بقى حاجة ملحوظة جدًا جدًا، أن الجهاز الجديد أول ما بينزل بتلاقي سعره عالي وغالي وده طبيعي لأنه الأحدث ونازل حصري ” Exclusive” ولأنه كمان بنلاقي فيه امكانيات ومميزات مش موجودة في أي موبايل تاني.
طب أنت كمستهلك يهمك تشتري حاجة بجودة عالية وبنفس الوقت بأقل تكلفة ممكنة.
وفيه شوية خطوات بسيطة ممكن تشتري بيها الجهاز اللى انت عايزه بأقل سعر ممكن وهي..
– إنك تحدد الأول عايز الموبايل ليه تستفيد منه في ايه “محتاج كاميرا، تلعب، تشتغل عليه، محتاج سرعة، محتاج جودة عالية، وغيرها”..
– إنك تعمل مقارنة الموبيلات وتقارن أجهزة الهواتف المحمولة والشركات اللى بتصنعها، في حدود برضة الامكانيات اللى انت محتاجها.
– إنك تصبر شوية لحد ما ينزل جهاز جديد هتلاقي تلقائيًا سعر الجهاز اللى انت كنت عايز تشتريه سعره نزل.
ولو بصيت على أي موبايل نزل من يناير السنة اللى فاتت ودورت على سعره دلوقتي وقارنته بين سعره لما نزل هتلاقي فرق شاسع..
– ممكن برضة تبص بصة كده على أفضل العروض الموبايلات.
أما بقى لو عايز أقل سعر الأجهزة الكهربائية، أول حاجة بنبص عليها السعر ومواصفات الأجهزة الكهربائية، وطبيعي كل جهاز كهربائي له مواصفاته وله شركاته سواء البراند أو غيرها، لازم طبعًا برضة تحدد أنت عايز اني امكانيات سواء “غسالة، تلاجة، تليفزيون، مكواة، وغيرها” وعلى أساس الامكانيات اللى محتاجها هتحدد السعر المناسب ليك، لأن في موضوع الأجهزة لما المواصفات بتزيد السعر طبيعي هيزيد.
يعني لو بصيت للجودة العالية والخامة الجيدة وانت بتشتري جهاز، طبيعي تلاقي مثلاً تليفزيون 14 بوصة من “سامسونغ” وليكن بـ 2500 جنيه، طب لو أنت عايز بقى تليفزيون بوصة أكبر وبنفس السعر، ممكن تلاقي ماركة تانية 24 بوصة بنفس السعر.
طبعًا طبعًا عشان توفر وتشتري جهاز بسعر مناسب لازم كل شوية تشوف أخر الأسعار، وتاريخ سعر المنتجات، وتدور في كل البراندات والتوكيلات، اللى هتلاقيها بتختلف كل فترة، ولازم برضة تدور على أفضل العروض سواء اللى بتعملها مواقع التسوق الأونلاين أو عروض الهايبرات أو عروض الشركات المصنعة، كل ده بيفيدك جدًا كمستهلك وبيخليك توفر في فلوسك.
وفيه عروض دائمًا ثابتة في السنة زي عروض أقل الاسعار أونلاين، وعروض الجمعة البيضاء، عروض رأس السنة، عروض بمناسبة مرور عام على تأسيس الشركة، وأفضل عروض على سوق و جوميا، وغيرها..
لازم كل العروض دي تستغلها استغلات جيد لأنك كمستهلك هتسفيد منها كتير.
ملخص لكلامي عشان تبقى صياد عروض محترف..
-لازم تحدد أنت عايز ايه سواء بتشتري هاتف أو جهاز أو أي حاجة في الدنيا.
– وتحدد الفئة السعرية اللى انت هتصرفها.
– تابع العروض ثم تابع العروض ثم تابع العروض.
– تعمل مقارنة بين الشركات سواء من حيث
“الجودة، الامكانيات، السعر”
– توكل على الله واشتري وأنت مطمن.
